مشروع بماكينة الراوتر CNC
مشروع النهارده هو مصنع صغير بماكينة الراوتر CNC ودي ماكينة حفر على الأخشاب والجلود والاكلبرك واستخدامات الماكينة كثيره جداً يعني تجار الموبليا بيحتاج شغلها ومكاتب الدعايه والإعلان ومكاتب الديكورات ومحلات الحلويات ومحلات التحف ومحلات الستائر وهو من أنجح المشاريع وأرباحه ممتازه جداً
طيب أزاي أعمل المشروع ومحتاج ايه؟
- محل بمساحة مناسبه ويكون قريب من تجار الخشب ويكون المحل مجهز بشفاط علشان وانتا شغال يكون في تهوية مناسبه لك.
- جهاز كمبيوتر بمواصفات كويسه علشان تضمن سرعة الشغل وسهولة التصميم.
- لو في إمكانية بكمبروسور هو ده علشان تنظيف الشغل قدامك وأنت شغال على الماكينة.
- عامل عشان يسعدك في الشغل وتنظيف الشارة.
- ماكينة CNC ومنشار كهربة لتقطيع الألواح أهم شئ لازم نعرف من الشركه التدريب والصيانه ودي كل الشركات. بتقدمها مجاناً وبتاخد CD عليه تصميمات كثيرة جهزه للشغل ومناسبه لكل الأعمال.
بالنسبة للماكينه في ماكينة هد واحد مقاس ١٤٠في١٠٠ وسعرها بيكون تقريباً ٩٥ ألف وفي ماكينة بتكون ٢هد أغلى شوية في السعر ومساحة الماكينة بيكون ١.٥في ٣٠٠ وبتشتغل بكهرباء ٢٢٠ فولت.
بالنسبه للارباح
تكلفة ساعة الشغل بتعمل من ١٠جنيه الي ١٥ودي بتكون إيجار مكان كهربه صيانه ومعده للعميل الساعه بتعمل من ٨٠ إلى ١٠٠جنيه على حسب الشغل الخامات من عند العميل
طبعاً في وقت الماكينة ما فيش عليها شغل استغل الوقت ده أزاي أعمل علب وتحف وساعات بتصميمات مختلفة يكون مشروع ناجح ليك ودخل لك أكثر من ١٥ ألف شهرياً.
وأشوفكم مع مشروع أخر..
فيديو توضيحي للمشروع